Gudoomiyaha Cusub ee Dagmada Matabaan ee Waqooyiga Gobolka Hiiraan ayaa maanta gaaray Degmada kadib safar dhulka ah oo uu kaga ambabaxay Dagmada Guriceel ee Gobolka Galgaduud.
Guddoomiyihii hore ee degmada Axmed Maxamuud Maxamed Dhoobeey ayaa kusoo dhoweeyay duleedka Dagmada Matabaan waxaana intaas kadib wafdiga Guddoomiyaha loo soo galbiyay xarunta Degmada.
Related posts
Qaar ka mid ah xubnaha maamulka Dagmada, odoyaasha, bulshada Matabaan ayaa hareeraha laamiga u taagnaa soo dhoweynta guddoomiyaha.
Xaflad kooban oo lagu qabtay gudaha Degmada Matabaan oo ay kasoo qayb galeen qaybo ka mid ah bulshada ayay Guddoomiyaasha deegaanada hoos taga Matabaan sheegeen in si hagar laโaan ah ula shaqayn doonaan.
Guddoomiyihii hore ee Matabaanย Axmed Maxamuud Maxamed Dhoobeey ayaa sheegay inย Guddoomiyaha cusub ay kusoo dhoweynayaan ayna dambayn doonto xafladda xil wareejinta.
Guddoomiyaha Cusub ee Degmadaย Bashiir Cabdiraxmaan Sheekeeye ayaa bulshada uga mahadceliyay soo dhaweynta wuxuuna sheegay in howlgallada ka dhanka ah argagixisada Al-Shabaab halkiisa ka sii socon doono.
