Guddoomiye ku-xigeenka arrimaha bulshada iyo wacyi galinta maamulka gobolka banaadir Marwo Basma Caamir Axmed (Jaketti) ayaa maanta xilalka u kala wareejiyay ku-simihii Guddoomiyaha Degmada Xamarweyne iyo Guddoomiyaha cusub ee loo soo magacaabay Degmada Xamarweyne Daahir Maxamed, kaasi oo maanta ka dhacday xarunta Degmadaas.
Guddoomiyaha cusub ee degmada Xamarweyne Daahir Maxamed ayaa maamulkii hore uga mahadceliyay waxyaabaha u qabsoomay, isagoo dhankiisa balan qaaday in uu halkaasi ka sii wadi doono howlihii socday, uuna ku soo kordhin doono degmada mashaariic kala duwan.
Guddoomiye Basma ayaa kula dardaarantay shacabka reer Xamarweyne in ay la shaqeeyaan Guddoomiyaha cusub si uu u guto wajibaadka shaqo ee horyaala, isago ku boorisay guddoomiyaha cusub in uu si daacadnimo ah ugu adeeego bulshada.
