Guddoomiyaha cusub ee gobolka Hiiraan Yuusuf AXmed Hagar(Yuusuf Dabageed) oo markale loo magacaabay in uu noqdo guddoomiyaha gobolka Hiiraan kadib wareegto uu soo saaray madaxweynaha Hirshabeele ayaa ka hadlay howlaha horyaala.
Yuusuf Axmed Hagar oo la hadlayay warbaahinta Qaranka ayaa sheegay in talaabooyinka ugu horeeya oo xoogga ay saarayaan ay qeyb ka tahay amniga iyo arrimaha dib u heshiisiinta bulshooyinka wada dega gobolkaasi.
Related posts
โHowlaha i horyaala horta way badan yihiin ,waxaan kaashanaynaa dadka, ilaahayna waan talo saaranaynaa, waxaana xooga saari doonaa amniga, dib u heshiisiinta, dhowr jeer ayaan halkani madax ka soo noqday waxaana la socdaa xaaladaha guud ee halkani kajira iyo khilaafyo badan oo haatan jira, waxaana ka shaqeynaynaa dib u heshiisiinta anagoo kaashanaynaa odayaasha dhaqankaโayuu yiri.
Guddoomiyaha cusub ee Gobolka Hiiraan ayaa rajo wanaagsan ka muujiyay in la soo afjaro xisadaha beeleed oo ka dhaca gobolkaasi Hiiraan iyo guud ahaan xaqiijinta amniga gobolka, isagoo ugu baaqay shacabka gobolka in ay kala shaqeeyaan maamulkiisa sidii loogu guuleysan lahaa howlaha loo igmaday.
โAnigoo ka faaidaysanaya fursadaan waxaan shacabka ugu baaqayaa wadashaqeyn, in dowladda Soomaaliya ay taageeraan, in dowladda loo tanaasulo, dowlad laโaan waan soo aragnay, marka waxaan leeyahay shacabka Soomaaliyeed, gaar ahaan kuwa Hiiraan in ay ila shaqeeyaan dowladdana lala shaqeeyo, ana waxaan ka shaqeyn doonaa horumarkoodaโ. Ayuu yiri guddoomiye ย Yuusuf.
