Maamulka degmadda kaxda ee gobalka Banaadir ayaa faahfaahiyey howlaha lagu afurinayo dadka danyarta ee ku dhaqan degmadda xilli lagu gudo jiro bisha barakeysan ee Ramadaan.
Gudoomiyaha degmadda Kaxda ee Gobolka Banaadirย Maxamed Ismaaciil oo la hadley Radio Muqdisho codka Jamhuuriyadda Soomaaliya ayaa Sheegey iney meel wanaagsan Marayaan howlaha lagu afurinayo dadka danyarta ee ku dhaqan degmada, isagoo sheeegey ineysan ku filneyn deeqaha soo gaarey degmadda iyo baahiyaha dadka ay qabaan.
Maxamed Ismaaciil ayaa sheegey in hadda deeqahan ay ka faa’iideysteen dad badan oo danyar oo kuย dhaqan degmadda isagoona u mahadceliyey dhamaan hayโadaha iyo shaqsiyaadka arimahaasi dadkan ka caawiyey, waxaana uu kusii dareyย iney sii laba jibaaraan dhamaan dadka wax haysta iyo hay’adaha deeqaha bixiya howlaha dadka danyarta ah lagu afurinayo.
Dadkan ayaa u badan kuwo kasoo barakacay goboladda Sh/hoose iyo Bay halkaas oo ay dhibaaatooyin badan ugu geysteen Maleeshiyaadka Al Shabaab qaarkoodna ย ka dhaceen Xoolihii ay dhaqan jireen.
Dhankale gudoomiyaha degamadda Kaxda Maxamed Ismaaciil ayaa tilmaamay intii la guda galey Bisha Ramadaan ay ka socdaan degamadda Barnaamijka Isxilqaan ee uu Madaxweynaha dalka iclaamiyey laguna dhisayo xarumaha danta guud, isagoo sheegey in arintaa ay ku dhisayaan hada ilaa iyo 7 Waddo oo degmadda gudaheeda ah iyo goobaha kale ee danta guud.
Ugu dambeyn maamulka degmadda Kaxda ayaa ugu baaqey dhammaan qeybaha bulshada iyo jaaliyada kasoo jeeda degmadda iney kaalintooda ka qaataan waxkasta oo horumarin iyo amni ee degmadda ku saabsan.
