Guddoomiyaha Golaha Shacabka Mudane Sheekh Aadan Maxamed Nuur (Madoobe), markuu la tashaday Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed (Laftagareen), xildhibaannada labada Aqal ee deegaan doorashadoodu tahay Koonfur-galbeed Soomaaliya, Siyaasiyiinta iyo bulshada qeybaheeda kala duwan ee ka soo jeeda deegaannada Koonfur Galbeed, ayow ku baaqay shir dib-u- heshiisiineed.
Shirkaas oo ay ka soo qeybgalayaan siyaasiinta, odayaasha Dhaqanka, Culuma’udiinka iyo dhammaan bulshada qeybaheeda kala duwan ee reer Koonfur Galbeed, ayadoo madashada shirka ay noqon doonto Magaala Madaxda ku-meel- gaarka ah ee Dowlad Goboleedka Koonfur Galbeed ee Baydhabo.
U jeeddada shirka, ayaa ah in la xaliyo dhammaan tabasho walba oo bulshada dhaxdeeda ka jirta iyo adkeeynta midnimada dadka reer Koonfur Galbeed, kadibna laga wada qeyb qaato dib-u-xureyenta deegaannada Koonfur-galbeed Soomaaliya iyo in wixii dhib ah ee dadka reer Koonfur Galbeed dhex maray laga gaaro dib-u-hisheesiin dhaba ah.
Ugu dambeyntii, waxaa laga codsanayaa cidkasta oo ay arritaan khuseyso inay ka soo qeybgalaan shirkan. Waxaa sidoo kale laga codsanayaa hay’adaha Dowladda Federaalka Soomaaliya in ay qaataan kaalintooda kaga aadan.
Shirkaan dib u hishiisiinta ah,ayaa la filayaa inow ka furmo Magaaladda Baydhabo ee maamul Goboleed Koonfur Galbeed Soomaaliya.Sidow sheegay Guddoomiyaha Golaha Shacabka Mudane Sheekh Aadan Maxamed Nuur (Aadan Madoobe).
