Cabdiraxmaan Cumar Cusmaan (Eng. Yarisow) Guddoomiyaha Gobalka Banaadir ahna Duqa magaalada Muqdisho oo la hadalay Warbaahinta ayaa ka warbixiyay sababii loo xiray qaar kamid ah Wadooyinka magaalada Muqdisho.
Guddoomiyaha ayaa sheegay in ciidammada ammaanka ay ka hortageen intii ay wadooyinka xirnaayeen falal lidi ku ah ammaanka oo lagu dhibaatayn rabay shacabka Soomaaliyeed.
Sidoo kale Guddoomiyaha Gobalka ayaa ka raali galiyay shacabka Soomaaliyeed maalmihii koobnaa oo ay wadooyinka qaar ay xirnaayeen.
“Sugida amniga waa masuuliyad na saaran, waxaana hada suurta gashay in laga hortago falal abaabulan oo argagixisada ay doonayeen inay ku dhibaateeyaan shacabka.” ayuu yiri Guddoomiyaha Gobalka banaadir.
Ciidamada dowladda ayaa adkeeyay ammaanka caasimadda maalmihii ugu danbeeyay waxaana xirnaa qaar ka mid ah wadooyinka magaalada, kuwaasi oo u xirmay baaritaanada ay wadeen ciidanka ammaanka.
