Wafdi balaaran oo uu horkacayo Guddoomiyaha Gobolka Bakool Mudane Maxamed Cabdi Maxamed (Tool) oo ay weheliyaan xubno ka tirsan maamulkiisa ayaa saaka waxay ka ambabaxeen Magaalada Xuddur ee Xarunta Gobolka Bakool, iyadoo ujeedka safarkooduna uu yahay in xaqiijiyaan ama ay ukuur galaan xaaladaha Amni iyo mida biniโaadannimo ee ka jirta Gobolka Bakool.
Waxayna booqan doonaan Degmooyinka Gobolka Bakool iyo Dhamaan deegaanadii dhowaan lagala wareegey Maleeshiyaadka Al-shabaab, safarkaan ayaa key soo beegmayaa xilli ciidamada qalabka sida ee Dowlada federaalka Soomaaliya iyo ciidamada midowga Afrika ee Amisom ee kasocda Dalka Itoobiya ay wadaan howgalo ka dhan ah UGUS oo lagu xaqiijinayo furitaanka wadooyinka soogala Gobolka Bakool, wallow ay jiraan qaar horey loogu guuletstey oo hada gawaarida ganacsiga ay sitoos ah u isticmalaan taasi oo wax kabedeshey sicirbararkii kajirey suuqyada magaalada xuddur waana guul usoo hooyatey shacabka.
Guddoomiyaha Gobolka Bakool Mudane Tool ayaa warbaahinta u sheegey in safarkoodu uu cadeyn u yahay in ammaanka gobolka uu yahay mid la isku haleynkaro isagoo Hayโadaha samafalak ugu baaqey in ay gargaar baniโaadanimo la soo gaaraan shacabka ku dhaqan Gobolka Bakool oo colaado iyo abaaro ay ladegeen.
