Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa qeybgalay munaasabad ay bulshada Degmada Kaxda kaga qeyb-qaadanayeen Barnaamijka Dalkaaga ku dhiso $1. ee dib-u-dhiska iyo horumarinta Caasimadda.
Munaasabadaan oo ay soo qaban qaabiyeen Maamulka Degmada Kaxda ayaa waxaa goobjoog ka ahaa Guddoomiye Ku-xigeenka Amniga iyo Siyaasadda Gobolka Banaadir, Guddoomiye Ku-xigeenka Arrimaha Bulshada iyo Wacyigelinta, Xoghayaha Guud ee Gobolka Banaadir, Guddoomiyaha Degmada Kaxda, Xildhibaanno ka tirsan Baarlamaanka Federaalka Soomaaliya, Odayaasha dhaqanka iyo Bulshada qeybahooda kala gedisan.
Related posts
Shacabka Degmada Kaxda ayaa halkaasi kusoo bandhigay sida ay ugu goβan tahay in ay ka qeyb qaataan Barnaamijka dalkaa ku dhiso $1, oo uu dib usoo nooleeyay Duqa Magaalada Muqdisho, iyadoo inta ay munaasabada socotay uu qof weliba diray lacag dhan $1 si dib-u-dhiska iyo horumarinta Caasimadda loo dar dargeliyo.
Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo khudbad dhinacyo badan taabaneysay ujeediyay shacabka Degmada Kaxda ayaa waxa uu qiray in lacagaha ay ugu qeyb qaadanayaan Barnaamijka dalkaaga ku dhiso $1 uu noqon doonno mid bulshada iyo caasimadda dib loogu soo celiyo oo lagu horumariyo kaabayaasha bulshada.
