Duqa Muqdisho, ahna guddoomiyaha Gobalka Banaadir iyo Wasiirka dhalinyarada XFS Marwo Khadiijo Maxamed Diiriye ayaa Maanta oo Axad ah si wadajir ah u Dhaggax dhigay Waddo Laami oo isku xirta isgoyska Cali Kamiin, taas oo hormarta Tuulada cayaaraha Stadium Mogadishu illaa iyo Jidka Warshadaha ee Magaalada Muqdisho.
Duqa Muqdisho, ahna guddoomiyaha Gobalka Banaadir En; C/raxmaan Cumar Cusmaan (Yariisoo), ayaa Bulshada Soomaaliyeed la wadaagay muhiimadda ay Waddadani u leedahay Shacabka, wuxuuna intaa raaciyay in ay sii wadayaan dhismaha iyo dib u habaynta adeegyadii guud ee uu Dalku lahaa.
“Saakay waxaan Dhagax dhignay Waddo Laami ah oo laga hirgelinayo isgoyska Cali Kamiin iyo Ifka Xalane oo isku xira Jidka 30-ka iyo kan Warshedaha”ayuu yiri, mudane; Yariisoow.
Waddadan Maanta la Dhagax dhigay ayaa ah tii Sagaalaad ee uu maamulka hadda jira ee Gobolka Banaadir ka hirgeliyo Magaalada Muqdisho muddo Hal Sana iyo bar gudahood ah.
