Guddoomiyaha Gobalka Hiiraan Cali Jeyte Cusmaan oo ay wehliyaan Saraakisha Ciidanka Xoogga Dalka ayaa gaaray Degaanka Garasyaani ee Bartamaha gobolka Hiiraan.
Degaankaan oo muhiim u ahaa Argagasida muddo badana fariisin ku lahaa ayaa laga saaray, iyadoo aan wax dagaal ah ka dhicin kadib markii ay baxsadeen Shabaabkii halkaa ku sugnaa.
Garasyaani ayaa ah deegaankii labaad oo gacanta Argagaxisada ka baxa, waxaana mara wadada laamiga ah ee isku xirta Muqdisho, gobolada dhexe ilaa kuwa Waqooyi.
Wadadaan ayaa mudo 15 sano ka badan aan la marin, iyadoo maleeshiyada Al-Shabaab ay diideen kol hore, waxaana ay noqotay meel howd ah, waxaana ay bur buriyeen waddadii laamiga ahayd.
Guddoomiyaha gobalka Hiiraan iyo saraakiisha Ciidamada Xoogga Dalka ayaa horay u balan qaaday in dib loo furi doono waddada laamiga ah ee gobolada dhexe, waxaana talaabadan ka dhigan tahay guushii ugu weyned in mar kale gaadiidka ay maraan.
Guulaha Ciidamada iyo dadka deegaanka is garabsanaya ayaa ah kuwa is dabo joog ah howlgallada ayaa ku sii fidiya deegaanno badan.
