Guddoomiyaha Gobolka Hiiraan Cabdifitaax Xasan Afrax ayaa ballan qaaday dayactir in lagu sameyn doono garoonka Diyaaradaha ee Degmada Buula Barde oo iminka ay isticmaalaan diyaaradaha qumaatiga u kaca uun, kadib socdaal ay ku tagay degmada Buulo burte ee gobolka Hiiraan.
โWaxaan ku guuleysanay in la howlgaliyo garoonka Buulo Burte, wuxuu u baahan yahay dayactir xoog leh, waxaana u mahad celinayaa AMISOM iyo shacabka deegaanka oo kaalin ku lahaa arrintaasโ.
Related posts
Guddoomiyaha oo la kulmay qeybaha bulshada degmada ayaa tilmaamay in ay jiraan baahiyo badan oo dhinaca nolosha ah, gaar ahaan caafimaadka iyo waxbarashada, kuwaas oo ay dowladdu wax ka qaban doonto.
โIsbitaalka degmadu wuxuu u baahan yahay agab iyo dayactir, bulshaduna waa ay inala wadageen arrintaas, waxaan doonaynaa inaan wax ka qabanoโ ayuu sii raaciyay.
Degmada Buulo Burte waxay ka mid tahay goobihii kooxda Al-Shabaab ay muddada dheer ku sugnaayeen, markii ay ka saareen ciidanka XDS iyo AMISOM, waxay xireen waddooyinkii ay marayen gaadiidka degmada gala ama ka baxa, taas oo sababtay in sicir barar uu ka dhaco degmada, isla markaana uu yaraado dhaqdhaqaaqii degmada oo hoos u sii dhigtay in ay dhaqsi uga soo kabato dhibaatadii ay kooxdaasi gaarsiisay degmadaasi.
