Guddoomiyaha Gobolka mudane C/fitaax Xasan Afrax oo howlo shaqo ku jooga magaalada Qaahir ee Dalka Masar ayaa waxaa uu Hambalyo ku aadan Munaasibadda Ciidul Adxaa u diray dhammaan umadda muslimiinta ah , shacabka reer Hiiraan iyo kan gobolka Shabeelaha Dhex.
Guddoomiyaha ayaa sheegay in maalmaha farxadeed awgeed loo baahan yahay inay is cafiyaan dhammaan umadda Soomaaliyeed , islamar ahaantaana laga farxiyo dadka danyarta ah iyo ubadkeena soo koraya.
‘’ Illaah waxaan ka baryayaa in sanadkaan sanadkiisa kale nagu gaarsiiyo Nabad-gelyo, Horumar, Wadajir , Midnimo iyo inaan ka shaqeyno midnimadeena iyo horumarkeena ‘’ Ayuu yiri Guddoomiyaha Maamulka Gobolka Hiiraan.
Ugu dambeyntii Guddoomiyaha Maamulka Gobolka Hiiraan C/fitaax Xasan Afrax waxa uu baaq nabadeed u diray dhamaan beelaha wada daga gobolka Hiiraan in ay ka qeyb qaataan nabad galyada ayna taageeraan barnaamijka dowladnimada ayna xoojiyaan horumarka Socda
-DHAMMAAD-
