Maamulka Gobalka Hiiraan ayaa ka warbixiyey amniga guud ee gobalka Hiiraan kagadaal markii Ciidammadda Dowladda ay howlgallo Ka sameeyeen Gobolkaas.
Guddoomiyaha Gobolka Hiiraan Cabdifitaax Xasan Afrax ayaa sheegay in cidwalba looga baahanyahay inay adgayso ammaanka guud ee gobolka kaddib markii dhawaan dilal qorshaysan loogu gaystay gobolka hiiraan odayaal dhaqameed.
“ waxaan u malaynayaa waxyaabo aan horay u dhici jirin inay soo laa laabanayaan oo ah dilalkii qorshaysnaa, taasna waxa sababay waxyaabaha dhibaatada ah ee na dhextaallay mar haddii ay arrimahaas dhammaadeen waa inaan waajibkeenna aqoonsannaa oo aan ka hortagnaa in lagu dilo horteenna indheer garadkeenna” ayuu yiri Guddoomiyaha Gobolka Hiiraan.
Ciidammadda Ammanka Gobolka ayaa howlgallo ka sameeyay deegaanno ka tirsan gobolka hiiraan iyaga oo ku baadi goobayay kooxaha ka dambeeya amni darrada ku soo laa laabatay gobolka.
