Guddoomiyaha Gobalka Shabeelaha Hoose Cabdiqaadir Maxamed Nuur Siidii, Guddoomiyeyaasha Degmooyinka Qoryooley Kuntuwaarey , Awdheegle Sablaale iyo Xubna kale ayaa maanta kormeer shaqo ku tegay degmada Afgooye iyo deegano hoos yimaada.
Masuu’layiinta ayaa ugu horeen waxay indha indheyn ku smaeyn deeganka Lafoole halkaasi oo kula kulmeen Maamulka Degaankaasi, iyagoo warbaxin ka dhageystay xaaladda, waxaana lagu wargeliyay in maamulka gobolka bilaabi doono cashuuraha si howlaha deeganka looga hergaliyo kaabayaasha dhaqaalaha.,
Agaasimaha cusub waaxda dhulbaxinta ee Gobalka Shabeelaha Hoose ayaa ugu mahadceliyay Guddoomiye Sidii xilka uu u magacaabay, isagoo sheegay in waxbadan uu ka qaban doona Arrimaha dhulka oo ah mid dhibaato xoogan ka taagan bulshada qaarkii.
Sidoo kale Mas’uuliyiintan uu horkacayay Guddoomiyaha Gobolka Shabeelaha Hoose Cabdiqaadar Maxamed Nurr ayaa waxay kormeer ku mareen wadooyinka xaafadaha Degmada Afgooye iyo suuqa Degmaasi, waxaana isbadal muuqada laga dareemayay Degmada Afgooye.
Intaasi kaddib Guddoomiyaha iyo xubnaha uu hogaaminayay ayaa kulamo gooni gooni ah la qaatay qaar ka mid ah golaha Wasiirada Maamulka Dowlad Goboleedka Koonfurgalbeed Somaliya iyo saraakiisha AMSIOM, waxuuna kala hadlay arrimo ay ka mid yahiin sidii loo xoojin lahaa la dagallanka argagixisada Al-Shabaab oo looga sifeyn lahaa deegaannada ka harsan gobolka ee ay ku dhuumaaleysanayaan.
