Guddoomiyaha gobolka Shabeelaha Hoose Ibraaahim Aadan Cali (Najax) iyo wafdi uu hogaaminayo oo ku sugan magaalada Shalaanbood ee gobolka Shabeelaha Hoose ayaa kulamo la qaatay Maamulka, saraakiisha ciidamada iyo qeybaha kale ee bulshada.
Kulanka ayaa diiradda lagu saaray xoojinta Nabad gelyada iyo in si wada jir ah la isaga kaashado la dagaalanka argagixisada Al-Shabaab, iyadoo tallooyin looga dhageystay qaar ka mid ah mas’uuliyiinta iyo saraakiisha ciidanka.
Guddoomiyaha gobolka Shabeelaha Hoose Ibraaahim Aadan Cali (Najax) ayaa sheegay in maamulkiisu uusan u dulqaadan doonin in dhibaatooyin loo geysto shacabka ku nool degmooyinka Gobolka, waxaana uu shacabka ka codsaday inay xoojiyaan la shaqeynta ciidamada xoogga dalka.
