Muqdisho, Soomaaliya – 11 Agoosto 2026: Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya, Mudane Cabdulqaadir Maxamed Nuur (Jaamac), ayaa khadka taleefanka kula hadlay Guddoomiyaha Baarlamaanka Carabta, Mudane Maxamed Axmed Alyammaaxii.
Guddoomiyaha Baarlamaanka Carabta ayaa ugu horreyn Guddoomiye Cabdulqaadir Maxamed Nuur (Jaamac) ugu hambalyeeyay doorashadii shalay loogu doortay Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya.
Labada Guddoomiye ayaa sidoo kale ka wada hadlay xoojinta xiriirka iyo iskaashiga u dhexeeya labada baarlamaan, iyo arrimo kale oo muhiim u ah horumarinta wada-shaqeynta labada dhinac.
