Guddoomiyaha Golaha Shacabka Baarlamaanka JFS Mudane Sheekh Aadan Maxamed Nuur (Madoobe) ayaa shir guddoomiyay kulanka 16-aad ee Guddiga Joogtada ah ee Golaha Shacabka BJFS.
Ugu horayn Guddoomiyaha Golaha Shacabka ayaa uga warbixiyay safarkii Baydhabo ee ku saabsanaa Shirka Dib u Heshiisiinta KGS. Sidoo kale waxaa looga hadlay ajandeynta Hindise Sharciyeedka Maareynta Degaanka iyo Hindise Sharciyeedka Dhowrista Xogta.
Guddiga Joogtada ee Golaha Shacabka BJFS ayaa marka hore boggaadiyay warbixinta Guddoomiyaha Golaha Shacabka ee ku aaddan Shirka Dib u Heshiisiinta Koonfur Galbeed ee dadaalka dheer uu ku bixiyay ugu dambeyna lagu guulaystay. Guddiga ayaa dhanka kale waxay warbxin uga dhageysteen Guddoomiyaasha Guddiga Garsoorka Awqaafta iyo Arrimaha Diinta iyo Guddiga Horumarinta Adeega Bulshada ee ku saabsan xabsiga dhexe, taas oo ay warbixin ka keeneen xaalada maxaabiista iyo marinta garsoor hufan.
Sidoo kale Guddiga Joogtada ayaa handise sharciyeedyada ay soo gudbisay xukuumadda si qota-dheer uga dooday sidii loo ajandiyeen lahaa isla-markaana loo horkeeni lahaa Golaha Shacabka Baarlamaanka JFS.
