Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa hambalyo u diray Guddoomiyaha Baarlamaanka Jabuuti ee la doortay Mudane Dileita Mohamed Dileita.
Guddoomiye Sheekh Aadan Madoobe,ayaa Guddoomiyaha cusub ee loo doortay Baarlamaanka Jamhuuriyadda aan walaalaha nahay ee Jabuuti ugu hambalyeeyay doorashada loo doortay hoggaaminta Baarlamaanka dalkaas, wuxuuna u rajeeyay inuu ku guuleysto mas’uuliyadda culus ee loo idmaday.
Waxa uu Sidoo kale Guddoomiyaha, tilmaamay in la xoojin doono xiriirka wadashaqeyn ee labada Baarlamaanka Soomaaliya iyo Djibouti.
