Guddoomiyaha Golaha Shacabka Baarlamaanka Federaalka Soomaaliya, Mudane Sheekh Adan Maxamed Nuur-Madoobe iyo ku-xigeennadiisa oo ka qeyb galay Kalfadhiga 1-aad kulankiisa10-aad, oo maanta Ajandihiisu ahaa aqrinta 1aad xeer-hoosaadka Golaha Shacabka, Waxaana Golaha ka hor aqriyay qaar ka mid ah Xildhibaanada Golaha Shacabka.
Guddoomiyaha Baarlamanka Jamhuuriyadda Federaalka Soomaaliya, ayaa Golaha u soo jeediyey Ansixinta iyo dhaarinta laba xubnood ee Guddiga Madax-banaan ee dib-u-eegista iyo hir-gelinta Dastuurka, kuwaas oo ka kooban labo xubnood waxayna kala yihiin.
1-Marwo Xaliimo Jaamac Afrax
2-Qareen Daahir Xasan Cabdi,
Xubnahaas oo uu soo magacabay Ra’iisul Wasaaraha Jamhuuriyadda Federaalka Soomaaliya Mudane Maxamed Xuseen Rooble, kadib markii ay soo jeedin sameeyeen 11 Xildhibaan sida uu qabo qodobka 25aad ee xeer-hoosaadka ayuu Guddoomiyaha dib-u-dhigay maadaama Xildhibaano qaar ay mooshin ka keenen ansixintooda.
