Guddoomiyaha Golaha Shacabka Baarlamaanka Federaalka Soomaaliya mudane Maxamed Mursal Sheekh Cabdiraxmaan ayaa maanta xafiiskiisa ku qaabilay guddiga xaqiijinta qoondada Haweenka ee Golayaasha Baarlamaanka Federaalka Soomaaliya.
Guddoomiyaha ayaa warbixin ka dhageystay xubnaha guddiga oo ay hoggaamineysay Marwo Batuulo Sheekh Axmed Gabale oo ah Guddoomiyaha guddiga, ahna Guddoomiyaha Ururka Haweenka Qaranka.
Kulanka waxaa ka qeyb galay Wasiirka Wasaaradda Haweenka Xukuumadda Soomaaliya Marwo Xaniifa Maxamed Xaabsade.
Guddoomiye Maxamed Mursal ayaa bogaadiyay shaqada wanaagsan oo ay hayaan guddiga, sidoo kale waxa uu ku biiriyay talooyin ku saabsan sida lagu xaqiijin karo qoondada haweenka.
