Guddoomiyaha golaha Shacabka ee JFS Mudane Maxamed Mursal Sheekh Cabdiraxmaan ayaa booqday Isbitaalka Erdogan Ex-Digfeer oo ay ku jiraan qaar ka mid ah dadkii kusoo dhaawacmay qaraxyadii argagixisninmo ee 13-kii bishan ka dhacay magaaladda Baydhabo ee xarunta gobolka Baay.
Guddoomiyaha golaha Shacabka oo ay booqashadiisu ku wehliyeen Xildhibaano ka tirsan baarlamaanka dalka ayaa waxa ay booqdeen qeybaha Isbitaalka ee dhaawacyada lagu daweynaayo.
Related posts
Waxa ay sidoo kale kulan la qaateen maamulka iyo dhakhaatiirta isbitaalka oo ay guddoomiyaha faah faahin ka siiyeen tirada bukaanada Isitaalka Jiifa sida ay u kala daranyihiin iyo hada xaaladooda sida ay tahay.
Guddoomiyaha golaha Shacabka Mudane Maxamed Mursal Sheekh Cabdiraxmaan oo kormeerka dib gudaha Isbitaalka Warbaahinta Qaranka kula hadlay ayaa u mahad celiyay maamulka,dhakhaatiirta iyo sidoo kale howl wadeenada Isbitaalka sida ay ula tacaalayaan dhamaan bukaanada Isbitaalka ku jira.
Wuxuuna sheegay in dadkii ay waxyeelada ka soo gaartay qaraxyadii ugu dambeeyay ee argagixisadu ay ka geysteen magaalada Baydhabo ee hadda isbitaalka lagu daweynaayo kuwooda xaaladooda gudaha dalka wax looga qaban waayo in dowladda Soomaaliyeed caafimaada dibada ah ay u ย qaadi doonto.
Bukaanada ku jira Isbitaalka Digfeer ayaa waxaa ku jira qaar ka mid ah dadkii ay waxyeelada kasoo gaartay qaraxyadii dhawaan kooxaha naf lacaarigu ay ka geysteen magaaladda Baydhabo ee xarunta gobolka Baay.
