Guddoomiyaha hayadda Maareynta Musiibooyinka Qaranka Mudane Maxamuud Macalim Cabdulle ayaa maanta kulan la qaatay wakiilka Ururka iskaashiga Islaamka u qaabilsan Soomaaliya H.E Amb: Mohamed Bamba Mohamed Boba
Kulankan oo ka dhacay xarunta ururka iskaashiga islaamka ee magaalada Muqdisho ayaa waxaa looga hadlay dowrka dalalka ku bahoobay ururka islaamka ee la tacaalidda arimaha abaaraha
Guddoomiyaha Hay’adda maareynta musiibooyinka Qaranka ayaa ugu horeyn safiiirka warbixin ka siiyay xaalada abaaraha iyo dadaalada socdo ee wax looga qabanayo, waxaana uu sidoo kale kaga mahadceliyay Dowladaha Islaamka ee ku bahoobay ururka iskaashiga Islaamka garab istaagga shacabka Soomaaliyeed, waxaa uuna ka codsaday in ay sii wadaan dadaalkooda iyo garab istaagooda maadama dalka uu wili ku jiro xaalad binaadanimo oo adag.
Dhankiisa Danjire Mohamed Bamba Mohamed Boba ayaa balan qaaday in ay ka go’antahay sii wedidda garab istaaga shacabka Soomaaliyeed.
