Guddoomiyaha Hay’adda Qaxootiga Hirshabeelle Cabdisalaan Cabdullaahi Angoola oo la hadley Radio Muqdisho ayaa sheegey in hay’adaha gargaarka aysan weli ka jawaabin baaq dhawaan uu u jeediyey Guddoomiyaha Golaha Wakiilada Hirshabeelle si loogu gargaaro dadka ay saameeyeen fatahaadda.
Mudane Cabdisalaan ayaa sheegay in Madaxda hay’adaha samafalka ee ku sugan Caasimadda Hirshabeelle ee Jowhar ay kala hadleen sidii loo caawin lahaa dadka ay saameeyeen fatahaadda, isagoo intaa ku daray in hay’adaha aan laga ogolaan doonin inay dadku ku fiirsadaan xaaladaha ay iminka ku jiraan.
Guddoomiyaha Hay’adda Qaxootiga Hirshabeelle ayaa xusay in dhankooda ay gacan ka geysan doonaan wax u qabashada dadka dhibaateysan ee ku sugan deegaannada Hirshabeelle, isla markaana ay agab gaarsiin doonaan qoysaska uu saameeyay fatahaadda.
Cabdisalaan Cabdullaahi Angoola ayaa markale ku celiyay baaq ah in gurmad dhinac kasta ah lala soo gaaro qoysaska uu fatahaadda iyo roobka ay saameeyeen,
