Gudoomiyaha Hay’adda Qaxootiga iyo Barakacyaasha Qaranka ayaa xafiiskeeda Kulan gaar ah kula qaadatay Wakiilo ka socday Qaramada Midoobay.
Kulanka ayaa waxaa qeyb ka ahaa George Conway oo ah Hoggaanka arimaha Beni’aadannimada Xafiiska Qaramada Midoobay ee Soomaaliya, Charles Mballa oo ah wakiilka Soomaaliya ee Hay’adda UNHCR iyo wakiilo kale.
Kulanka ayaa sidoo kole looga hadlay sidii loo dardar galin lahaa hindise sharciyeedka Taakulaynta Qaxootiga oo hadda horyaala Baarlamaanka.
Marwo Safiyo Xasan Maxamed oo kulanka kadib Warbaahinta Qaranka la hadashay ayaa sheegtay in dowladda Soomaaliya ay ka go’an tahay sidii loo taageeri lahaa dadka nugul ee ku barakacay gudaha dalka oo hadda gaaraya 20%.
