Guddoomiyaha Hay’adda Maareynta Musiibooyinka Qaranka Soomaaliyeed ee SoDMA, Mudane Maxamuud Macallin Cabdulle oo maanta booqday isbitaalka weyn ee degmada Cadale ee gobolka Shabeellada dhexe ayaa waxa uu ku wareejiyay shixnad daawo ah, kaas oo Hay’adda ugu talagashay in lagu caawiyo ciidamada Qaranka, kuwa deegaanka iyo dadka rayidka ah ee ku soo dhaawacmaya furimaha hore ee dagaalka ka dhanka ah ee khawaarijta.
Guddoomiye Maxamuud ayaa dawadaan oo ka kooban qeybo kale duwan waxa uu ku wareejiyay guddoomiyaha degmada Cadale Muuse Maxamed Axmed, Xildhibaan Geedo Oomane , madaxa caafimaadka degmada Dr Cusmaan Maxamed Jabshe, iyo masuuliyiin kale.
Deeqdan daawada ah ayaa lu soo beegantahay xilli baahi weyn loo qabay.
