Gudoomiya Hay’adda Maareynta Masiibooyinka Soomaaliyeed ee SoDMA Mudane Maxamuud Macalin Cabdulle ayaa Xafiiskiisa kulan kula qaatay wafdi isugu jiray madaxda ugu sareeysa Hay’addaha SOS Germany iyo SOS Soomaaliya.
Kulankaas ayaa looga hadlay xaaladda Bini aadanimo ee Dalka, ayadoo sidoo kale lugu falanqeeyay saameynta ay yeelatay hoos u dhaca ku yimid deeqaha gargaar ee looga jawaabi jiray arrimaha Bani-aadanimo ee dalka.
Hay’addaha SOS Soomaaliya iyo SOS Germany waxey sheegeen iney ka go’antahay in wixii karaankooda ah ay kordhin doonaan taagerada ay taageetayaan bulshada Soomaaliyeed ee u baahan gargaarka iyo sidii sare loogu qaadi lahaa caawinta Dadka kasoo barakaya colaadaha iyo abaaraha ka jira qeybo ka mid ah Soomaaliya.
Kulankan waxaa uu ka mid yahay kulamo dhowr ah oo ay hay’adda SoDMA ugu qaaraameyso sidii dalka uu u heli lahaa dhaqaalo lugu kabo hoos u dhaca ku yimid gargaarkii ay bixin jirtay Dowladda Mareykanka.
