Guddoomiyaha Hay’adda Maareynta Musiibooyinka, Md. Maxamuud Macallin Cabdulle oo la kulmay Agaasimaha Guud ee Hay’adda Diiwaan-gelinta iyo Aqoonsiga Dadweynaha -NIRA, Mudane Cabdiweli Cali Timacadde, ayaa ka dhagaystay warbixin ku saabsan nidaamka diiwaan-gelinta.
Sidoo kale, waxaa kulanka diiradda lagu saaray sidii loo diiwaan-galin lahaa dadka ku barakacay gudaha dalka ( IDPs) waxaana la soo jeediyay in ay dowladda bixiso lacagta diiwaan-galinta dadka xerhaya barakaca ku jira, si loo yareeyo loogana hortago leexsashada gargaarka ee lagula kaco dadka nugul.
Ugu dambeeyn, labada Hay’adood ayaa ballan-qaaday sidii loo xoojin lahaa xiriirka wada shaqeynta iyo badbaadinta dadka nugul ee ku barakacay gudaha dalka.
