Guddoomiyaha Hay’adda Maareynta Musiibooyinka Qaranka mudane Maxamud Macallin Cabullaahi iyo Madaxa isku duwida Howlaha Beni’aadannimada ee Qaramada Midoobay ahna ku xigeenka SRSG George Conway ayaa shalay oo ay taariikhdu aheyd 31/10/2024 shirkoodii bilaha ahaa ku yeeshay Xafiiska SRSG. Labada mas’uul waxey si mug leh uga wada hadleen qodoba dhowr ah oo isugu jira sidii loo fulin lahaa mashaariic beni’aadanimo iyo kuwa horumarineed. Waxaa laga xusi karaa.
1. In si wada jira looga fuliyo mashaariicdan qaar ka mida Goobihi ay wax yeeleeyen daadadka sanadki hore 2023 ka dhacay Jubbaland gaar ahaan Gobolka Gedo & Hirshabeelle.
2. Sidoo kale, waxaa labada mas’uul ay hoosta ka wada xariiqeen in si wada jira loo abuuro hannaan la isku waafajin karo dhaqaalaha ay iska soo ururiyaan Bulshasda Soomaaliyed iyo kan aduunyadu ugu deeqo goobaha masiibadu ku habsatay,
3. In si wada jira loogu diyaar garoobo ka hortaga iyo ka jawaabista Abaar lasaadaalinayo iney ku dhufato qaybo ka mid ah dalkeenna.
4. In sare loo qaado tayada wada shaqeynta ee ka dhexeysa labada xafiis ee SoDMA and DSRSG Office.
Ugu dambeyntii, Gudoomiyuhu wuxuu uga mahadceliyey ku-xigeenka ergayga gaar ah ee Xoghayaha Guud ee Qaramada Midoobay u qaabilsan Soomaaliya sida hagar la’aanta ah ee uu xafiiskiisu ula shaqeeyo Hay’adda SoDMA.
