Guddoomiyaha Hay’adda Maareynta Musiibooyinka Mudane Maxamuud Macallin Cabdulle iyo Agaasimaha Guud ee Hey’adda Luul Axmed Galwo ayaa xarunta dhexe ee Hay’adda ku qaabilay gabdhaha aqoonyahanka ah ee ka shaqeeya cilmi-baarista iyo daraasaadka la xariira arrimaha maareynta musiibooyinka.
Kulanka ayaa diiradda lagu saaray doorka ay gabdhaha aqoonyahanka ah ka qaadan karaan yareynta khataraha musiibooyinka, dadaallada gargaarka, u adkaysiga aafooyinka, guud ahaan hawlaha bani’aadannimo, ka bixidda faqriga iyo la qabsiga saamaynta is-beddelka cimilada.
Guddoomiyaha Hay’adda SoDMA, Mudane Maxamuud Macallin oo xusay in dhibaatooyinka beni’aadannimo ee dalka ka dhaca ay 70% saameeyaan haweenka Iyo carruurta, ayaa gabdhaha ku ammaanay kaalinta ay u istaageen, isagoo ku boorriyay in ay aqoontooda kaga faa’iideeyaan hay’adaha dowliga ah iyo bulshada Soomaaliyeed.
Sidoo kale gudoomiyaha Hey’adda Maareynta Masiibooyinka Maxamuud Macalin ayaa gabagabada kulanka waxaa uu gabdhaha aqoonyahaka ah ka codsaday iney SoDMA kala shaqeeyaan caawinta dadka Soomaaliyeed ayagoo aqoontooda kaga faaiideynayo si mutadawacnimo ah.
