Guddoomiyaha Hay’adda Maareynta Musiibooyinka Qaranka (SoDMA) Mudane Maxamuud Macallin Cabdulle ayaa kulan wax-ku-ool ah magaalada Nairobi kula qaatay Wafdi ay hoggaamineyso Ms. Marina Walter oo ah Ku-xigeenka Agaasin Gobolleedka waddamada Carabta ee Barnaamijka Horumarinta Qaramada Midoobay (UNDP).
Kulanka waxaa lugu gorfeeyay sida ay muhiim u tahay in la ballaariyo xiriirka iskaashi ee ka dhexeeya labada hay’adood ee UNDP iyo SoDMA iyo in wadajir loo xoojiyo dadaallada yareynta khataraha musiibooyinka iyo bixinta digniinaha halis wadareedka.
Guddoomiyaha Hay’adda SoDMA Maxamuud Macallin ayaa si weyn hay’adda UNDP uga mahadceliyay taageerada muddada dheer ah ee ay la garab taagan tahay dowladda iyo shacabka Soomaaliyeed.
