Guddoomiyaha Hay’adda Maareynta Musiibooyinka Soomaaliyeed, Mudane Maxamuud Macallin Cabdulle ayaa Safiirka Dowladda Isu-tagga Imaaraadka Carabta Danjire Axmed Jumca Al-rumeysi la qaatay kulan diiradda lagu saaray sidii dowladda Imaaraadka Carabta ay hay’adda uga saacidi laheed sidii gurmad degdeg ah loo gaarsiin lahaa qoysaska sameenta ay ka soo gaartay roobka Guga (Gu’), in ay wali jirto cabsi xoog leh, loona bahanyahay sidii loogu toog-heyn lahaa halista bini’aadannimo ee ka dhalan karta fatahaado iyo daadad ka dhasha roobabka la filayo toddabaadyada soo socda.
Safiirka Imaaraadka ayaa Guddoomiyaha SoDMA ku wareejiyey 7,000 kun oo kartoon oo ay ku jiraan qeybaha kala duwan ee raashinka iyo 1,000 teendho kuwaas oo hay’adda ugu talagashay in dib u dajin loogu sameeyo qoysaska saameenta ka soo gaartay roobka dhawaanna hay’adda lagu soo wareejin doono.
Safiir Axmed Jumca Al-rumeysi ayaa muujiyay sida ay uga go’an tahay Dowladda Imaaraadka, garab istaagga shacabka iyo Dowladda Soomaaliya, wuxuuna ballan-qaaday in uu si dhaw uu ula socon doono xaladaha roobka gu’ga.
