Guddoomiyaha gobolka Hiiraan oo maalmahan ku sugnaa degmda Maxaas iyo
deegaanno hoos yimaada ayaa ka war bixiyay xaaladda deegaanadii uu tagay tan iyo markii laga saaray maleeshiyaadka Al-shabaab
Yusuf Axmad Hagar Daba-geed ayaa sheegay in nolosha dadka uu kusoo arkay ay tahay mid wanaagsan islamarkaana deegaanaasi aysan shabaabka kusoo dhuuman Karin, waxaana uu amaanay wada shaqeynta ka dhexeysa hay’adaha amniga, maamulka, iyo shacabka degmadaasi.
Guddoomiye Yuusuf Dab-geedgeed ayaa yiri” dhammaan deegaanada laga xukumo degmada
Maxaas waa xur meel shabaab habeen ugu hoydo ama uu ka maro malahan, waxaana uu maamulka oo kaashanaya shacabka ay diyaar u yihiin xaqiijinta amniga deegaankooda, aadbeyna ii farxad galisay waxyaabihii aan ku soo arkay deegaanadii aan tagay” ayuu yiri guddoomiyaha gobolka Hiiraan.
Guddoomiyaha gobolka Hiiraan Yuusuf Axmed Hagar Daba-geed oo hadda ku soo laabtay magaalada Baladweyne ee gobolka Hiiraan ayaa sheegay in maamulkiisu ay ka go’an tahay horumarinta gobolka iyo sidii bulshada iyo maamulka ay u dhex mari lahayd wada-shaqeyn la xiriirta dhinacyada amniga, horumarka si uu gobolka ula jaan qaado gobolada horumaray ee dalka.
