Wafdigaan soo gaaray Garoowe, ayaa waxaa hor kacayay guddoomiyaha maxakamada sare ee Soomaaliya, Mudane Ibraahim Iidle Suleymaan, waxaana ku weheliyay safarkiisa ku xigfeenka Maxkamdda sare iyo xubno Ka socday Hay’adaha garsoorka, garoonka diyaardahana waxaa ku soo dhoweeyey Guddoomiye ku xigeenka Maxkamada sare ee Dowlad goboleedka Puntland , xeer ilaaliye ku xigeenka, laamaha garsoorka, Saraakiil ka socotay taliska Ciidanka Asluubta iyo xubno ka socda jaamacadaha Garoowe.
Soo dhawayn ka dib, ayaa waxaa Guddoomiyaha Maxakamada sare ee Soomaaliaya iyo wafdigiisa waxaa loo gudbiyay Gudaha Magaaladda, halkaasi oo ay Kula hadleen Warbaahinta qaybaheeda kala duwan.
Guddoomiye ku xigeenka Maxakamada sare ee Dowlad goboleedka Puntland ahna sii hayaha Guddoomiyaha Maxakamada, Mudane Nuur Ciise, ayaa ku soo dhaweeyay guddoomiyaha iyo xubnihiisaba Puntland, sheegayna inay ku faraxsan yihiin imaanshahoda .
Dr Ibraahim Iidle Sulayamaan, Guddoomiyaha Maxkmadda Sare ee Dalka, ayaa ugu haraynba ka mahad Celiyey Soo dhowaynta Magaaladda Garoowe loogu sameeyay, siina raaciyay hadalkiisa in safarkoodu qeyb Ka yahay safaro ay ku marayaan maamulada dalka, kuwaasi oo loogu kuur Galayo howlaha Garsoor ee Dalka.
Safarkan Guddoomiyaha Maxkamada Sare ee dalka, ayaa noqonaya kii ugu horeeyay ee uu ku yimaado Puntland tan iyo intii xilkaaani loo soo magacaabay.
