Madaxweynaha Maamulka Hirshabeelle Mudane Maxamed Cabdi Waare ayaa xil ka qaadis ku sameeyay Guddoomiyihii Degmada Balcad, ayadoo wareegta uu soo saaray xilkaasi ku magacaabay Guddoomiye cusub oo lagu magacaabo Qaasim Cali Nuur, kaasi oo horey uga soo mid noqday Baarlamaanka Federaalka ah ee Soomaaliya.
Wareegtada ayaa lagu shaaciyay in xilkii Guddoomiyaha Degmada Balcad laga qaaday Cismaan Maxamed Maxamuud Xaadoole oo 10-kii May ee sanadkan markale noqday Guddoomiyaha Degmada, waxaana xilkaasi loo magacaabay Qaasim Cali Nuur.
Xil ka qaadista Guddoomiyihii Degmada Balcad ayaa loo cuskaday markii uu sheegay Madaxweynaha Hirshabeelle in loo baahanyahay in dib u habeyn lagu sameeyo maamulka Gobolka Shabeellaha Dhexe.
