Guddoomiyaha Golaha Shacabka Baarlamaanka Federaalka Soomaaliya, mudane Sheekh Aadan Maxamed Nuur (Madoobe) ayaa maanta Hoygiisa ku qaabilay Boqorka beelaha Soomaaliland Boqor Cusmaan Aw-Maxamuud Buurmadow, kaas oo u yimid salaan iyo is xog-wareysi ku saabsan xaalada dalka uu marayo, gaar ahaan kaalinta dhaqanka ay ku leeyihiin dowladnimada dalkenna.
Boqorka oo marka hore u hambalyeeyay Guddoomiyaha Golaha Shacabka ayaa sheegay in duubabka dhaqanka si gaar ah ahmiyad u siiyaan Baarlamaanka, si uu dalka u gaaro nabad iyo wadajir.
Guddoomiye Sheekh Aadan Madoobe oo Boqorka ugu mahad celiyay booqashadiisa, ku aaddan doorka lagama maar-maanka ah ee dhaqanka ay ku leeyihiin midnimadda iyo wadajirka ummadda Soomaaliyeed, waxaana uu xusay in dhaqanka uu u-dub dhaxaad u yahay aas-aaska dowladnimadda iyo jiritaanka ummadeed.
