Guddoomiye Ku-xigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh) iyo Xoghayaha Guud ee Maamulka Gobalka Banaadir Mudane Feysal Caraale Afrax ayaa ka qeyb-galay kulan wacyi gelin bulsho oo lagu qabtay xarunta Degmada Waaberi ee Magaalada Muqdisho.
Guddoomiyaha Degmada Waaberi Maxamed Sheekh Sayid Cali oo madasha ka hadlay ayaa sheegay in qeybaha kala gedisan ee bulshada Degmada Waaberi ay diyaar u yihiin ka qeyb-qaadashada arrimaha horumarka iyo dowlad-dhiska, isagoo xusay in bulshada oo kaashanaya Maamulka Gobolka Banaadir ay dhisanayaan waddooyinka Laamiga ah ee Degmada Waaberi.
Guddoomiye Ku-xigeenka Amniga iyo Siyaasadda Gobolka Banaadir Mudane Maxamed Axmed Diiriye Yabooh ayaa ugu mahadceliyay Maamulka iyo Bulshada Degmada Waaberi sida ay had iyo jeer u abaabulan yihiin, waxa uuna ugu baaqay in ay ka shaqeeya horumarka iyo la shaqeynta laamaha Amniga si loogu hortago wax weliba oo liddi ku ah Amniga Caasimadda.
