Guddoomiye Ku-xigeenka Hay’adda Maareynta Musiboyinka Qaranka ee SoDMA Dr Axmed Cabdi Aadan, ayaa maanta la kulmay Safiir ku-xigeenka Safaaradda Imaaradka Carabta Danjire Seyf Cali Al-rashaash.
Kulankaan ayaa looga hadlay sidii Dowladda Imaaradka Carabta hay’adda SoDMA uga caawin laheyd dib u habeenta biya xireenka Sabuun ee Duleedka Degmada Jowhar, oo muddo aan helin wax dib u dayactir ah muhiimna u ah Beeralayda ku nool Gobolka Shabeellada Dhexe, sidii gargaar Dowladda Imaaradka Carabta u garsiin la heed meelaha fog-fog ee dalka shacabka ku nool si gaar ah Maamulada Koonfur Galbeed iyo Jubbaland iyo sii xoojinta xiriirka u dhaxeeya labada dhinac.
Guddoomiye Axmed ayaa Dowladda Imaaradka Carabta uga mahadceliyey sida hagar la,aanta ah ee ay u garab taganyihiin shacabka Soomaaliyed iyo Dowladdooda.
