Guddoomiye Ku-xigeenka Howlaha Guud ee Maamulka Gobolka Banaadir Mudane Xasan Maxamed Jimcaale iyo wafdi uu hoggaaminayo ayaa Magaalada Brussels ee dalka Belgium ugu qeybgalaya Shirweynaha Magaalooyinka (Brussels Urban 2023 Submmit).
Shirkaan ayaa looga hadlayaa Horumarinta Magaalooyinka, Naqshadeynta Casriga ee dhanka Digitalka, soo kabashada Magaalooyinka, Adkeysiga iyo Horumarinta Kaabayaasha, iyadoo ay ka qeybgalayaan Maayarada Magaalooyin dhowr ah oo ka kala yimid caalamka.
Caasimadda Soomaaliya ee Muqdisho oo uu shirkaan ku matalaayo Guddoomiye Ku-xigeenka Howlaha Guud ayaa waxa uu xooga saarayaa sidii Maamulka Gobolka Banaadir lagu garab siin lahaa xal u helida Arrimaha Bulaacadaha, dib-u-dhiska kaabayaasha oo ay ugu horeeyaan dhismaha waddooyinka iyo Horumarinta Caasimadda.
Guddoomiye Ku-xigeenka Howlaha Guud Mudane Xasan Maxamed Jimcaale (Xasan Dheere) ayaa furitaanka shirka kadib kulamo gaar gaar ah la qaatay Madaxda Maamulka Magaalada Brussels, Madaxweynaha Metro Polis, Xoghayaha Guud ee Metro iyo qaar ka mid ah Maayarada ka qeybgalaya shirka.
