Guddoomiye kuxigeenka 1-aad ee Golaha Shacabka ee BJFS ayaa shir Guddoomiyay Kulanka Guddiga joogtada ah ee Golaha Shacabka oo lagu dhaariyay wasiiru Dowlaha cusub ee Wasaaradda howlaha guud ee uu shalay magacaabay Ra’isul wasaaraha Dalka.
Mudane Cabdiwali Sheekh Ibraahim Muudey Guddoomiye kuxigeenka 1-aad ee Golaha Shacabka ayaa ka qeyb galay Kulanka Guddiga joogtada ah ee Golaha Shacabka oo uu Ajendihiisu ahaa dhaarinta Mudane Bashiir Maxamed Jaamac (Goobe) oo Ra’isul wasaaraha Xukuumadda Federaalka Soomaaliya u magacaabay wasiiru Dowlaha Wasaaradda howlaha guud iyo dib u dhiska ee Xukuumadda Federaalka Soomaaliya,waxaana dhaariyay Xildhibaan Maxamed Cabdulle Faarax geesey oo ah Guddoomiyaha Guddiga Arrimaha gudaha iyo amniga ee Golaha Shacabka l,waxaana Sidoo kale Kulanka ka qeyb galay Wasiirka Cadaaladda ee Xukuumadda Federaalka Xildhibaan Khadija Maxamed Diiriye iyo Wasiirka Cadaaladda iyo Arrimaha garsoorka Cabdulqaadir Maxamed Nuur (Jaamac)
Guddoomiye kuxigeenka labaad ee Golaha Shacabka Mudane Mahad Cabdalla Cawad ayaa wasiiru Dowlaha cusub ee maanta la dhaariyay ugu hambalyeeyay xilka loo magacaabay.
