Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa kormeeray ololaha “Hooyo u Hiili Qarankaaga” kaasi oo ay ka qeyb qaadanayaan Haweenka Soomaaliyeed si ay u garab istaaggaan ciidanka xoogga dalka ee ku jira howlgallada dalka lagaga sifeenayo kooxaha Khawaarijta.
Duqa Muqdisho ayaa bogaadiyay doorka haweenka Soomaaliyeed ee ay uga qeyb qaadanayaan halganka dalka looga xoreynayo Kooxaha Khawarijta, isla markaana ay isku xilqaameen sidii cunooyinka qalalan loo gaarsiin lahaa geesiyaasha dalka, waxa uuna balan qaaday in uu kaalintiisa ka qaadan doonno taageerida iyo garab istaaga Ciidamada Qaranka.
Related posts
Guddoomiye Madaale oo uu kormeerkaan ku wehliyay Ku-xigeenkiisa Amniga iyo Siyaasadda Mudane Maxamed Axmed Diiriye (Yabooh) ayaa ugu baaqay Xildhibaannada iyo Siyaasiyiinta dalka in ay ka fogaadaan hadalada lagu niyad jibinayo Ciidamada Qaranka, isla markaana ay ka qeyb qaataan dhiirigelinta iyo kaalmeynta Ciidamada Qaranka ee Naftooda u huray in ay dalka iyo dadka ka bad-baadiyaan cadowga Khawaarijta.
