Guddoomiyaha Hay’adda Maareeynta Masiibooyinka Qaranka Maxamuud Macalin Cabdulle ayaa maanta Muqdisho uga qaybgalay munaasabadda maalinta caalamiga ah ee Bani’aadannimada oo la xuso sanad walba 19-ka Agoosto, waxaana munaasabadaan lagu muujiyaa dadaalka iyo naf-hurnimada samafalayaasha.
Guddoomiyaha hay’adda Maareynta Masiiboyinka Maxamuud Macalin ayaa xusay muhiimadda ay maalintaan u leedahay adduunka, dalka iyo Hay’adda SoDMA, isagoo tilmaamay sida ay muhiim u tahay xusuusta shaqaalaha samafalka ee ku waxyeelloobay caawinta dadka kale.
Xuskaan ayaa waxaa ka soo qaybgalay hay’addaha kala duwan ee ka shaqeeya Arrimaha Bini’aadanimada dalka, daladda NGO-da Soomaaliyeed (Somali NGO Consortium) ku-xigeenka ergayga gaarka ah ee Qaramada Midoobay, George Conway iyo madaxa xafiiska UN-OCHA ee Soomaaliya.
