Kulan looga hadlayay dardargalinta dagaalka ka dhanka ah Khawaarijta ayaa lagu qabtay Degmada Xarardheere ee koonfurta Gobolka Mudug oo ka mid ah meelaha laga difaaco Gobolka Mudug
Kulankaan ayaa waxaa ka qeyb galay Saraakiisha Ciidamada Xoogga Dalka Soomaaliyeed, Kuwa Deegaanka iyo Siyaasiga Liibaan Axmed Xasan.
Taliyaha Guutada 17-aad Gorgor ee xoogga Dalka Gaashaanle Cabdulaahi Yare iyo Saraakiisha kale ee ciidamada ayaa sheegay inay khawaarijtu ku jabeen deegaanada Galmudug walina ay wadaan howgalada lagu ciribtirayo Khawaarijta.
Liibaan Axmed Xasan ayaa ku bogaadiyay Howgaladii guulaystay ee Galmudug ka dhacay isagoo ka wakiila Madaxweynaha Jamhuuriyadda Federaalka Soomaaliya Mudane Xasan Sheekh Maxamuud.
