Guddoomiyaha maamulka Gobolka Banaadir ahna duqa magaalada Muqdisho Gen Xasan Maxamed Xuseen Muungaab ayaa u diray Hambalyo ku aadan maalinta Shaqaalaha Aduunka, dhamaan shaqaalaha Soomaaliyeed meel kasta oo ay joogaan,
Maalinta shaqaalaha aduunka ayaa la asteeyey 1, May, 1904-tii in ay noqoto maalin ay shaqaalaha aduunku u dabaal dagaan, muujiyaan xuquuqdooda, lana qaybsadaan farxada qoysaskooda iyo asxaabtooda.
“Maalinta Shaqaaluhu waa maalin caalami ah oo aduunka dhan looga dabaal dago, waa maalin la xuso guulaha ay soo hooyeen ururrada shaqaalaha; waana maalin lagu xuso halganka ay shaqaaluhu ugu jiraan iney bulshooyinkooda ka saaraan fakhriga.Waxaan halkaan ugu hambalyeeynayaa dhamaan shaqaalaha dowaladda iyo kuwa rayidka ah oo isugu jira rag iyo haween, waxaanna ku amaanayaa howl-karnimada ay muujiyeen iyo dadaalkooda ku aadan iney horumar gaarsiiyaan bulshadooda” Ayuu yiri Gen Muungaab.
Guddoomiyaha Maamulka Gobolka Banaadir Gen Xasan Maxamed Xuseen Muungaab oo sii hadlay ayaa si gaar ah shaqaalaha maamulka gobolka Banaadir ugu ammaanay howsha baaxada leh oo ay u hayaan Bulshada Soomaaliyeed iyo sida dhabar adeega leh oo ay ugu adeegayaan.
