Guddoomiye ku-xigeenka kowaad ee Golaha Shacabka BJFS Marwo Sacdiyo Yaasiin Xaaji Samatar ayaa Maanta Xildhibaannada haweenka iyo howlwadeenada Golaha Shacabka ufurtay, Semina,ย kaas oo socon doona, muddo Saddex maalin ah, waxaana Seminarkaan si wadajir ah usoo qaban-qaabiyay Kutlada Haweenka Golaha Shacabka iyo UN WOMEN Kaasoo ku saabsanaa, tababar kor loogu qaadayo. aqoonta iyo kamid noqoshada haweenka Xildhibaannada ah, Dowrka Hogaaminta iyo Go’aan qaadashada.
Ugu horeeyn waxaa goobta hadal kooban ka jeedisay, Gudoomiyaha Kutlada Haweenka Xildhibaan Sahuur Xaaji culusow ,waxay sheegtay inay waqti geliyeen qab-soomidda seminarkan. sidoo kalena, ay sii wadi doonaan,samirada iyo Tababarada kor loogu qaadayo, Aqoonta, qibrada iyo waayo-aragnimada Haweenka Golaha Shacabka BJFS 11aad.
Related posts
Ugudanbeeyntii Xildhibaan Ifraax Maxamed Cawad ( Nooleeye)ahna Xoghayaha Kutlada Haweenka ayaa kusoo dhaweysay, Guddoomiye ku-xigeenka 1aad ee Golaha Shacabka BJFS 11aad, Marwo Sacdiya Yaasiin Xaaji Samatar, ayadoo ugu horeyn u mahadcelisay, Guddoonka kutlada haweenka iyo UN WOMEN.
Xildhibaan Sacdiya ayaa sheegtay, inay haweenka garab taagan tahay, ayna muhiim tahay, isku xornaanta midnimada iyo Wadashaqeynta Haweenka Soomaaliyeed, gaar ahaan haweenka ku jira Baarlamaanka Golaha Shacabka ee 11aad.
Sidoo kale, Guddoomiye Sacdiya ayaa ka dhawaajisay, in haweenka Baarlamaanka ku jira kuraastooda ay xajistaan, matalaadooduna, ay ka dhigaan,qodob Dastuuri ah,ย taasoo usahlaysa inay meel-sare ka gaaraan, hankooda siyaasadeed. ayna xaqiijiyaan yoolkooda, una tartamaan jagooyinka sar sare haday ahaan laheyd, kuwa la isku doorto. ama la isku Magacaabo.
