Guddoomiyaha Golaha Shacabka Baarlamaanka Jamhuuriyadda Federaalka Soomaaliya ahna Ku-simaha Madaxweynaha JFS Mudane Sheekh Aadan Maxamed Nuur (Madoobe) ayaa hambalyo u diray Madaxweynaha markale dib loo doortay ee Puntland Mudane Saciid Cabdullaahi Deni iyo Madaxweyne Kuxigeenka Puntland Mudane Ilyaas Cismaan Lugatoor.
Guddoomiye Sheekh Aadan Madoobe ayaa u rajeeyay Madaxweynaha la doortay in uu dadka reer Puntland ugu adeego si hufan oo dimuquraadiyad leh, isagoona xusay in bulshada iyo maamulka ay ka shaqeeyaan xasillooni waarta iyo horumarka Puntland, waxaana uu xoojiyay wadajirka iyo isku duubnida Puntland.
