Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi, ayaa hambalyo u diray Madaxweynaha iyo Madaxweyne ku-xigeenka dowlad goboleedka Puntland mudane Siciid Cabdullaahi (Deni) iyo Ilyaas Cismaan lugatoor oo maanta ku guuleystay doorashadii ka qabsoontay magaalada Garoowe ee caasimadda Dowladda Puntland.
Guddoomiyaha wuxuu bogaadiyay sida nabadda iyo xasiloonida lahayd ee ay ku qabsoontay doorashada, ayaa Alle uga baryay Madaxweynaha Puntland iyo K/Xigeenkiisa in uu u fududeeyo masโuuliyadda culus ee loo doortay, uuna waafajiyo gudashada waajibaadka loo dhaariyay.
Sidoo kale Guddoomiyuhu wuxuu Guddoonka Golaha Wakiilada Puntland ee la doortay, sida hufanna u maamulay doorashada, u rajeeyay guul iyo gudashada waajibaadkooda Dastuuriga ah.
