Tartanka Kubadda Cagta ee Dowlad Goboleedyada iyo Gobalka Banaadir oo si habsami leh uga socdo Tuulada Isboortiga dalka ee Stadium Muqdisho ayaa waxaa galabta foodda isdaray Xulalka Gobalka Banaadir iyo Galmudug.
Kulanka oo ay u soo daawasho tegeen dadweyne aad u fara badan oo ka kala yimid Degmooyinka Gobalka Banaadir iyo deegaannada ku xeeran ayaa garoonka ku soo bandhigay sida ay u kala taageerayaan labada Xul.
Cayaarta oo ku bilaabatay dardar aad u xoogan ayaa qeybtii hore waxaa lagu kala nastay 1-0 oo ay ku hogaamineysay Xulka Galmudug.
Qeybta Labaad ee cayaarta ayaa waxa ay isbadalo sameeyey macalimiinta labada Xul, taasi oo wax badan cayaarta ka badashay.
Cayaartooyda Xulka Kubadda Cagta ee Gobalka Banaadir ayaa sameeyay soo laabasho cajiib ah, kuwaasi oo ugu dambeyn cayaarta ka dhigay 2-1 oo ay kaga badiyeen dhigooda Galmudug.
