Guddoomiyaha Gobolka Benaadir ahna Duqa magaalada Muqdisho Mudane Thaabit Cabdi Maxamed ayaa mar kale ku guuleystay inuu Caafimaad dibadda ah u diro Faa’iso Maxamed Cabdi oo ah gabadhii uu dhibaatada u geystay askarigii ka tirsanaa Ciidamada Puntland.
Guddoomiye Thaabit ayaa bixiyay dhammaan lacagta caafimaadka, dalka ku galka (Visa) iyo Ticket-ka dalka Turkiga Faaiso loogu qaaday, waxaana uu dammaanad qaaday in uu bixinayo sidoo kale dhammaan qarashaadka ku baxaya inta Turkiga ay joogto Faai’so Maxamed Cabdi oo qabta dhaawac uu soo gaarsiiyey Askari ka tirsan Ciidanka Puntland.
Aabe Maxamed Cabdi ayaa si qanacsanaan ka muuqato ugu mahad celiyay Guddoomiye Thabit Cabdi Maxamed.
Sidoo kale Guddoomiyaha Degmada Kaxda Mudane Maxamed Ismaaciil oo gacan ka geystay taageerada Faa’iso loo sameeyay ayaa Guddoomiye Thaabit u mahadceliyay.
SONNA
