Guddoomiyihii Hore Ee Maxkamadda Sare Ee Dalka Abuukaate Ceydiid Cabdullaahi Ilka Xanaf ayaa Sheegay in uu Aqbalay Go’aankii Madaxeynaha Soomaaliya.
Mudane Ilka Xanaf oo xalay warfidiyeenka kula hadlay aqalka Madaxtooyada Soomaaliya ayaa sheegay in uu dhawaan Xilka ku wareejinayo Dr Ibraahim Iidle Suleymaan oo Afartii bishan Madaxweynaha Soomaaliya u magacaabay xilkaasi.
M.weynaha Soomaaliya ayuu kulan la qaatay Mudane Ilka Xanaf ka hor inta uusan la hadlin Saxaafadda waxaana dhinacyadiisa taagnaa R.wasaare ku xigeenka Xukuumadda Soomaaliya Mudane Cumar Carte, Wasiika Warfaafinta Mudane Maxamed Cabdi Xayar Maareeye, iyo xubno kale oo ka tirsan labada gole ee dowladda.
