Muqdisho(SONNA) Guddoonada labada Aqal ee baarlamaanka Federaalka Jamhuuriyadda Soomaaliya ayaa hambalyo iyo bogaadin u diray guddoonka cusub ee baarlamaanka Dowlad gobaleedka Galmudug oo maanta lagu doortay magaalada Dhuusa-mareeb.
Guddoomiyaha Golaha Shacabka ee BFJ mudane Maxamed Mursal Sheekh Cabdiraxmaan oo lahadlay Wakaaladda Wararka (SONNA) ayaa u hambalyeeyay guddoomiye Dr Maxamed Nuur Gacal iyo Ku-xigeenadiisa,isagoo u rajeeyay in eebe uu Ku guuleeyo xilka loo igmaday.
Sidoo kale mudane Cabdi Xaashi Cabdullaahi gudddoomiyaha Aqalka sare oo wakaaaldda (SONNA) lahadlay ayaa hambalyo iyo bogaadin u jeediyey guddoonka baarlamaanka Galmudug.
Wasiirka Arrimaha gudaha XFS mudane Cabdi Maxamed Sabriye ayaa kula dar daarmay guddoonka baarlamaanka Galmudug ee la doortay in si hufan ay u gutaan waajibaadka loo doortay
Maal Maha soo socda ayaa lafilayaa in la qabto doorashada madaxweynaha Dowlad gobaleedka Galmudug.
